Shiny Art

(ഭാഗം 2) " ഇതൊക്കെ പെട്ടെന്ന് മാറ്റണം എന്ന് പറഞ്ഞാൽ.... അത് ഉടനെ നടക്കില്ല. പീഡനങ്ങൾ ഭൂമിയിൽ എന്നും ഉണ്ട്. ഇതിന് എന്റെ കൈയ്യിൽ ഇപ്പോൾ മരുന്നില്ല. മരുന്ന് കൈയിലുള്ള വേറെ ആരെയെങ്കിലും നീ വിളിക്കൂ. " " ഇതെന്താ പണ്ട് സർക്കാർ ഓഫീസിൽ ചെന്നത് പോലെ എന്നോട് ഇപ്പോൾ ഇങ്ങനെ പറഞ്ഞത്? അടുത്ത ആളും ഇതു പോലെ പറഞ്ഞാൽ ഞാൻ എന്ത് ചെയ്യും? പറ്റില്ല.  എനിക്കിപ്പോൾ തന്നെ വരം വേണം. " " വരം വല്ല മരത്തിലും ഉണ്ടോന്ന് നോക്ക്. അങ്ങനെയാണെങ്കിൽ ഞാൻ പിച്ചി തരാം. " " ഓഹോ... ദൈവത്തിന് അപ്പോൾ വളിച്ച തമാശ പറയാനും അറിയാം. അങ്ങനെ വളിപ്പ് പറഞ്ഞ് എന്നെ വളഞ്ഞ വഞ്ചിയിൽ വടക്കോട്ട് വിടാമെന്ന് വിചാരിക്കേണ്ട. " " അങ്ങനെയാണെങ്കിൽ ഞാൻ വേറൊരാളെ നിന്റെ അടുത്തേക്ക് ഉടനെ പറഞ്ഞു വിടും. അങ്ങേര് വടക്കോട്ട് അല്ല തെക്കോട്ടാണ് പറഞ്ഞു വിടുന്നത്. " " അല്ല എനിക്ക് അറിയാത്തത് കൊണ്ട് ചോദിക്കുവാ. എന്നോട് മാത്രം ആണോ ദൈവത്തിന്റെ ഈ തർക്കുത്തരം?!" "നീ തർക്കിച്ചിട്ട് ഞാൻ തർക്കുത്തരം പറഞ്ഞെന്ന് ആക്കിയോ? അതു കൊള്ളാലോ. ഇത് ശരിയല്ല. ഞാൻ പോകുക ." " അയ്യോ! പിണങ്ങി പോകല്ലേ. ഞ...

(ഭാഗം 1) " എങ്ങോട്ടോ യാത്ര പോകാനുള്ള തയ്യാറെടുപ്പിലാണല്ലോ " "അതേ..  പോണം " "എങ്ങോട്ടാ.....?" "ഒരാളെ കാണാനാ " " പോകുന്ന സ്ഥലത്തിന് പേരില്ലേ? " " ഉണ്ട്. ഹിമാലയം" "ഹ ഹ ഹ.... ഹിമാലയത്തിലെ ഏത് ഫ്രണ്ടിനെ കാണാനാണ് പോകുന്നത്?" " അതേന്നേ ... എനിക്ക് അവിടെ പരിചയക്കാർ ഉണ്ട്." "ഓഹോ... അപ്പോ ഈ പരിചയക്കാരൊക്കെ വിളിച്ചാൽ ഉടനെ വരുമോ?" "വരും " "എങ്ങനെ?" "അത് ഞാൻ പറയാതെ അറിഞ്ഞൂടെ?" "ഇല്ല.. അറിയില്ലന്നേ... അറിയാത്തതു കൊണ്ടല്ലേ ചോദിച്ചത്. " " എന്നാ കേട്ടോ... അവർക്ക് വേണ്ടി പ്രത്യേകം ഇറക്കിയിരിക്കുന്ന ഒരു സമ്പ്രദായമാണ് തപസ്സ്. എല്ലാവർക്കും വെവ്വേറെ തപസ്സുകൾ ആണ്. അതിനായി പ്രത്യേകം മന്ത്രങ്ങളുണ്ട്. " " ഇതൊക്കെ നടക്കുന്ന കാര്യമാണോ?! ഹ ഹ ഹ.... " " നടക്കും. നടക്കണമല്ലോ.. അങ്ങനെ എന്തെങ്കിലുമുണ്ടോ എന്ന് അറിയണമല്ലോ.... പണ്ട് ആയിരം വർഷം കൊടും തപസ്സ് ചെയ്തു എന്നൊക്കെ പറഞ്ഞവരെ പോലെ ഞാനും ഒരു കൈ നോക്കട്ടെ. അവരെ പോലെ  പതിനായിരം വർഷത്തെ ആയുസ്സൊന്നും എനിക്ക...

നൂറിൽ തൊണ്ണൂറ്റി ഒൻപതു ശതമാനം ആൾക്കാരും മനസ്സിന്റെ വിഷമം മാറാൻ ഏതെങ്കിലും ഒന്നിൽ വിശ്വസിക്കുന്നുണ്ട്. പരസ്യമായ രഹസ്യമാണത്. ഒരു കൂട്ടർ ദൈവത്തിലും മറ്റൊരു കൂട്ടർ ലഹരിയിലും. ഇതിൽ ഒന്നും പോരാഞ്ഞിട്ട് ചിലർ മന്ത്രവാദത്തിലും ആൾ ദൈവത്തിലും വിശ്വസിക്കുന്നു. പലരെയും പോലെ ജീവിതമാകുന്ന ഈ നാടകത്തിലെ ഒരുപിടി ദുഃഖങ്ങൾക്കിടയിലാണ് ഞാനും. മനസ്സിനൊരു ശാന്തത കിട്ടാൻ വേണ്ടി ആരെയും ശല്യം ചെയ്യാതെ മൗനമായി ഏതെങ്കിലും മൂലയിൽ ഇരുന്ന് ഞാനും പ്രാർത്ഥിക്കാറുണ്ട്. പ്രാർത്ഥന എന്ന് പറഞ്ഞാൽ മനസ്സിലെ ഭാരം ഒന്നിറക്കി വെക്കാൻ പറ്റിയ ഇടമാണ് എനിക്ക്. എന്റെ വിഷമം ആരോ കേൾക്കുന്നു എന്നൊരു തോന്നൽ ഉണ്ടാകും. പകരം ഒരു നല്ല കേൾവിക്കാരെ തേടി പോയാൽ കിട്ടില്ല. അഥവാ കിട്ടിയാൽ തന്നെ മുഴുവനും കേൾക്കാനുള്ള മനസും അവർക്ക് ഉണ്ടാകില്ല. അതവരുടെ തെറ്റല്ല. മരണം വരെ ഏതെങ്കിലും രീതിയിൽ ദുഃഖങ്ങൾ വന്നു കൊണ്ടിരിക്കും എല്ലാവർക്കും. അതിനെ നേരിട്ടേ പറ്റൂ. ഏതു ദൈവത്തിലും വിശ്വസിച്ചിട്ടും കാര്യമില്ല.  അനുഭവിക്കാനുള്ളത് അനുഭവിച്ചേ തീരൂ.  ദൈവം തന്നെ ഒരു അന്ധവിശ്വാസമാണെന്ന് പറയുന്ന നിരീശ്വരവാദികളോട് എനിക്കൊന്നേ പറയാനുള്ളൂ. ദൈവം എന്...

ആ തോട്ടം ആദ്യമായി കണ്ട ഞാൻ അതിശയത്തോടെ ചുറ്റിനൊന്നു നോക്കി. കാണുന്ന കാഴ്ചകൾ പലതും എന്നെയും അതിശയത്തോടെ നോക്കി. പിന്നെ ഞാൻ അറിഞ്ഞു. ആ കാഴ്ചകളിൽ പലതും എന്നിൽ നിന്നും പോയവയാണ്. എന്നാലും എനിക്ക് സന്തോഷം തോന്നി. പക്ഷെ ഇടയ്ക്കിടയ്ക്ക് ദുഃഖവും ഓടിവന്നു. ഈ തോട്ടത്തിലേക്ക് ഇനി ആരും വരണ്ട എന്ന് തീരുമാനിച്ച്, തോട്ടത്തിന് ചുറ്റും വേലി കെട്ടാൻ നോക്കി. "നീ ആരെയാണ് ഭയക്കുന്നത്? ഇവിടെ നിനക്ക് ഇഷ്ടമുള്ളത് ചെയ്യാം. ആരും തടസ്സം നിൽക്കില്ല." "അതെന്താ?" "ഈ തോട്ടത്തിൽ ആണ് നിന്റെ ശവകുടീരം ഉള്ളത്. നീ നട്ട റോസാച്ചെടിയിൽ നിന്നും മുള്ളില്ലാത്ത ഒരു പൂ നിന്റെ ശവകുടീരത്തിൽ നിനക്കായ് എന്നും ഉണ്ടാകും." ✍️ഷൈനി 

അനന്തപുരിയിലെ പത്മനാഭാ.... എനിക്ക് അങ്ങയോട് ഒരു പരാതി ബോധിപ്പിക്കാൻ ഉണ്ട്. ഭക്തരെ എന്തിന് ഇങ്ങനെ തരം തിരിക്കുന്നു? ഭക്തിയോടെ നിന്നെ കാണാൻ വരുന്നവരെയെല്ലാം തരം തിരിക്കുന്നത് തെറ്റ് തന്നെ.  ഈയിടെ നിന്റെ അടുക്കൽ ഞാൻ വന്നിരുന്നു. പക്ഷേ നിന്നെ കാണാൻ കഴിഞ്ഞില്ല. ഒരിക്കലും നീങ്ങാൻ കൂട്ടാക്കാത്ത നീണ്ട വരിയിൽ പെട്ടുപോയ ഞാനും എന്റെ കുടുംബവും. പിന്നെ.... അമ്മയ്ക്ക് അധികനേരം നിൽക്കാൻ പറ്റാത്തതിനാൽ തിരികെ പോകേണ്ടി വന്നു.  തിരികെ നടന്ന് പ്രധാന വാതിലിന്റെ അരികെ വന്നപ്പോൾ " വേഗം ഒതുങ്ങി മാറി നിൽക്കൂ... " എന്നാരോ ഉറക്കെ ഞങ്ങളോട് വിളിച്ചു പറഞ്ഞു.  ഇപ്പോഴും രാജഭരണമോ എന്ന സംശയത്തോടെ നോക്കിയപ്പോൾ ഒരു കേന്ദ്രമന്ത്രി ദാ.... വരുന്നു. ഞങ്ങളെ നോക്കി ഒരു പുച്ഛഭാവത്തോടെ അകത്തേക്ക് അദ്ദേഹവും പരിവാരങ്ങളും കയറിപ്പോയി.  പത്മനാഭാ.... ഇതെന്ത് നീതി?! ദൈവത്തിന്റെ മുന്നിൽ എല്ലാവരും തുല്യരെന്ന് പറഞ്ഞിട്ട്...!?  ജനങ്ങളാൽ തെരഞ്ഞെടുത്തവർ അടുത്ത് വരുമ്പോൾ ഓച്ഛാനിച്ച് മാറി നിൽക്കണോ? എന്നാലോ... വോട്ട് ചോദിക്കാൻ വരുമ്പോൾ അവർക്ക് ഈ ഓച്ഛാനം വേണ്ടേ.! VIP.... ആരാണ് വിഐപി? ദൈവസന്നിധിയിൽ എല്ല...

"വാ.." "വരാം" "വരുന്നുണ്ടോ...?" " ശ്ശോ... വരാമെന്ന് പറഞ്ഞില്ലേ.!" " എന്നാ അവിടെ ഇരുന്നോ... ഞാൻ ഇപ്പോൾ കാണിച്ചു തരാം." "യ്യോ... എന്റെ തല.!!" " മര്യാദയ്ക്ക് വിളിച്ചതല്ലേ.... കേട്ടില്ലല്ലോ?" " ഇതാ പറയുന്നത് ചെയ്യേണ്ടത് നേരത്തെ ചെയ്യണമെന്ന്." " ഓ... ഇപ്പോ നീയും കുറ്റം പറയുകയാണോ? " " എങ്ങനെ കുറ്റം പറയാതിരിക്കും. ഒരാളെ നേരത്തെ പറഞ്ഞു വിട്ടിരുന്നു ഞാൻ. നിന്നെ ഇങ്ങോട്ട് വിളിച്ചു കൊണ്ടു വരാനായ്. വന്നു വിളിച്ചപ്പോൾ എന്താ ഗമ!! അതാ ഇപ്പോ ആ തലയ്ക്ക് കിട്ടിയത്." " ഓ...കിട്ടി കിട്ടി.. " " എന്തിനാ ഞാൻ ഈ നല്ല ഉടുപ്പ് എല്ലാം ഇട്ട് ഒരുങ്ങി നിൽക്കുന്നത്. നിന്നെപ്പോലുള്ളവർക്ക് വേണ്ടിയിട്ടല്ലേ? " " തനിയെ പോയി ഇട്ടതൊന്നും അല്ലല്ലോ? അല്ലാ.... ചോദിക്കട്ടെ ഇടാൻ പറ്റുമോ? അപ്പോൾ എന്നെപ്പോലുള്ളവരുടെ സഹായം വേണ്ടേ...? വേണ്ടേ? " " വേണ്ടാന്ന് ഞാൻ പറഞ്ഞില്ലല്ലോ. പറഞ്ഞോ?... പറഞ്ഞോ..? " "ഓഹോ.! എന്നെ കളിയാക്കുകയാണോ?" " അല്ല ഒര...

അവനെ അന്ന് കൊണ്ട് ചെല്ലാനാണ് ഡോക്ടർ പറഞ്ഞത്. അതിനാൽ ഞാൻ രാവിലെ തന്നെ ബുക്ക് ചെയ്തു. ഒമ്പതാമത്തെ നമ്പർ കിട്ടി. പേര് വിളിച്ചു കഴിഞ്ഞാലും മൂന്നുപേര് കഴിഞ്ഞു ഡോക്ടറെ കാണാമെന്ന ധൈര്യത്തിൽ ഞാനും മോനും ഹോസ്പിറ്റലിലേക്ക് പോയി. അവിടെ ഞങ്ങൾ എത്തുന്നതിനു മുന്നേ പേരു വിളിച്ചിരുന്നു. ഇനിയിപ്പം മൂന്ന് പേര് കഴിഞ്ഞ്... സാരമില്ല. അവിടെയൊരു ടിവി സ്ക്രീനിൽ ശബ്ദമില്ലാതെ ആരൊക്കെയോ നെട്ടോട്ടമോടുന്നു. അവരുടെ താഴെ കുറെ അക്ഷരങ്ങൾ  " എന്നെ കാണൂ...എന്നെ കാണൂന്ന് " പറഞ്ഞു വരിവരിയായി പോകുന്നു. ഇടയ്ക്ക് മാസ്ക് ഇടാൻ ആരും മറക്കണ്ട എന്നുള്ള പരസ്യവും. എല്ലാവർക്കും സമ്മതം കൊടുത്ത് ഞാനും മോനും അവിടെയിരുന്നു. സമയം കടന്നു പോകുന്നു. ഡോക്ടറുടെ മുറിയിലേക്ക് ആരെയും വിളിക്കുന്നുമില്ല, ആരും അവിടെ നിന്നും ഇറങ്ങി പോകുന്നുമില്ല. ഞങ്ങളുടെ ചുറ്റിനും ഇരിക്കുന്നവരുടെ പലരുടെയും 'ക്ഷമ' വണ്ടി കാത്തു നിൽക്കുന്നു. അതിൽ ഒരാൾ ഓഫീസിൽ നിന്നും ഹാഫ് ഡേ എടുത്ത് വന്നതായിരുന്നു. പുള്ളി ഒരു ഹിന്ദിക്കാരനും. ഹിന്ദിയിൽ എന്തൊക്കെയോ ഡോക്ടറുടെ മുറിയിലേക്ക് നോക്കി പിറുപിറുത്തു കൊണ്ട് അവിടെ നിന്നും അ...

"കൊന്നേ പറ്റൂ..." "ആരെ?! എന്തിനാ?!" "ഒന്നുറങ്ങാൻ കഴിയുന്നില്ല. കണ്ണടയ്ക്കുമ്പോഴെല്ലാം കാതിൽ മുഴങ്ങി കേൾക്കുന്നു. വയ്യ സഹിക്കാൻ പറ്റുന്നില്ല. ചെയ്തേ പറ്റൂ.." "ശ്ശോ..ആരെ കൊല്ലാനാ? എന്റെ ദൈവമേ.... എനിക്ക് പേടിയാവുന്നല്ലോ..." " ഒന്നും മിണ്ടാതിരിക്കാമോ.. അതിന് എന്തിനാ പേടിക്കുന്നത്?.. പോയി കിടന്നുറങ്ങെടീ..." " ഈ മനുഷ്യൻ..! അങ്ങേര് ആരെയോ കൊല്ലാൻ പോകുന്നു. എന്നോട് ഉറങ്ങാൻ പറയുന്നു.! എന്റെ ദൈവമേ... എന്റെ സമാധാനം പോയേ... " " ഇവളെന്റെ കയ്യിൽ നിന്നും വാങ്ങിക്കും." " നിങ്ങൾ ആരെയാണ് കൊല്ലാൻ പോകുന്നതെങ്കിലും പറയൂ.." " എന്തിനാണാവോ? അവരെ ഫോൺ വിളിച്ചു പറയാനാണോ? അതിന് അവരുടെ കയ്യിൽ ഫോണൊന്നുമില്ല." " ഓഹോ... അപ്പോൾ അതും....! എന്നാ ഞാൻ പുറത്തിറങ്ങി നാട്ടുകാരോട് ഉറക്കെ വിളിച്ചു പറയും. നിങ്ങൾ ഇപ്പോൾ ആരെയും കൊല്ലാൻ ഞാൻ സമ്മതിക്കില്ല." " ശ്ശെടാ... ഇതൊരു ശല്യമായല്ലോ." " പറഞ്ഞോ പറഞ്ഞോ.... ഞാനിപ്പോൾ നിങ്ങൾക്ക് ശല്യം.! അല്ലേ? ഞാൻ മര്യാദയ്ക്ക് വീട്ടിൽ കുത്തിയിരുന്നതാ. അവിടെ...

നമ്മളെക്കുറിച്ച് നമ്മൾക്കറിയാവുന്നത് പോലെ വേറെയാർക്കറിയാം? നമ്മുടെ ഇഷ്ടങ്ങൾ, നമ്മുടെ നടക്കാത്ത സ്വപ്‌നങ്ങൾ, നമ്മൾ നേടിയ അറിവുകൾ, നമ്മുടെ കഴിവുകൾ, പലരും നമുക്കറിയില്ല എന്നു പറഞ്ഞു വാദിക്കുന്ന പലതും അവർ വിചാരിക്കുന്നതിലും കൂടുതൽ നമുക്കറിയാമെന്നയറിവ്...... നമ്മൾ എന്താണെന്ന് മറ്റുള്ളവരെ ബോധിപ്പിക്കാൻ ശ്രമിക്കുന്നതിനേക്കാൾ നമ്മളെ കുറച്ചെങ്കിലും മനസിലാക്കുന്നവർ മനസിലാക്കിയാൽ മതി. ഇനി ആരും ഇല്ലെങ്കിലും... ആരെയും കൂട്ട് പിടിച്ച് വന്നവരല്ല ആരും. നമ്മൾ ഒരു ദിനം വന്നു... മറ്റൊരു ദിനം പോകും.... ഇതിനിടയ്ക്ക് മറ്റുള്ളവരാകാൻ നിൽക്കുന്നതിനേക്കാൾ നമ്മളിലെ നന്മയുമായി മുന്നോട്ട് പോകാം. നമ്മളെ നമ്മളാണ് ആദ്യം സ്നേഹിക്കേണ്ടത്.  ✍️ഷൈനി 

ആരെങ്കിലും സംസാരിക്കുമ്പോൾ അവൾ ശ്രദ്ധയോടെ അവരെ നോക്കും. രണ്ട് മിനിറ്റിനകം അവർ അവളോട് പറയും നീ ഇങ്ങനെ നോക്കല്ലേന്ന്. ഒരിക്കൽ ഒരാൾ പറഞ്ഞു: " നിന്റെ കണ്ണ് കുറുക്കന്റെ കണ്ണാ. "  അതുകേട്ട് വിഷമത്തോടെ അവൾ കരയാൻ തുടങ്ങി. അന്നേരം അയാൾ വീണ്ടും പറഞ്ഞു: " കുറുക്കന്റെ കണ്ണ് നീ കണ്ടിട്ടുണ്ടോ? എന്തു മനോഹരമാണ്! ആ കണ്ണുകളുടെ കാര്യമാണ് ഞാൻ പറഞ്ഞത്. "  പിന്നെ അവൾ കുറുക്കന്റെ ചിത്രം എടുത്തു നോക്കി പറഞ്ഞു : " അതെ മനോഹരമാണ് അവയുടെ കണ്ണുകൾ!"  പിന്നെ പലരും അവളുടെ കണ്ണിന്റെ ശക്തിയെക്കുറിച്ച് പറഞ്ഞു: " നിന്റെ കണ്ണുകൾക്ക് മറ്റുള്ളവരെ അനുസരിപ്പിക്കാനുള്ള ശക്തിയുണ്ട്. ആ കണ്ണിലേക്ക് അധികം നേരം നോക്കാൻ കഴിയില്ല. "  പിന്നെ അവൾ ആര് സംസാരിച്ചാലും അവരുടെ മുഖത്തേക്ക് നോക്കാതെയായി. അവൾ തന്റെ മുന്നിലെ ദർപ്പണത്തിൽ നോക്കി പറഞ്ഞു: " എനിക്ക് നിന്നെ എത്ര നേരം നോക്കിയാലും ഒരു പേടിയും തോന്നുന്നില്ലല്ലോ! പിന്നെന്താണ് മറ്റുള്ളവർക്ക്? "  വർഷങ്ങൾ കഴിഞ്ഞു. ഇന്ന് അവളുടെ കണ്ണുകളെ പലരും വർണ്ണിക്കുന്നു. "എന്തു ഭംഗിയാണ് ഈ കണ്ണുകൾ! എന്നും എപ്പോഴും ആ കണ്ണിലേക്ക്...

 കൂടുമ്പോൾ കൂടുമ്പോൾ ഇമ്പം ഉണ്ടാകുമെന്നറിഞ്ഞ കുടുംബത്തിലേക്ക് അവൾ വധുവായി എത്തി.  വധുവിനെ കാണാനായി അയൽപക്കത്തുള്ളവർ ഓരോരുത്തരും വരാൻ തുടങ്ങി. വരുന്നവർക്ക് മുന്നിൽ ആടയാഭരണങ്ങൾ എല്ലാം അണിഞ്ഞ് നാണത്തോടെ നിൽക്കണമെന്ന കുടുംബത്തിലെ ആജ്ഞ അവൾ അനുസരിച്ചു.  ആജ്ഞ പാലിച്ചു നിന്നവളോട് അയൽപക്കം ആഭരണങ്ങൾ ഓരോന്നും എത്ര പവനാണെന്ന് ചോദിച്ചു. പലരും ദാനമായി തന്നതിന്റെ കണക്ക് എത്രയെന്ന് അറിയില്ലെന്ന് അവൾ മൊഴിഞ്ഞു. അതിലൂടെ സത്യമറിഞ്ഞ ആകാശവാണികൾ അവരുടെ ജോലി ഭംഗിയായി ചെയ്തു.  അവൾ അനാഥയാണെന്ന് നാടുമൊത്തം അറിഞ്ഞു. കുടുംബത്തിലുള്ളവർ അവളെ കുറ്റം പറയാൻ തുടങ്ങി. എന്നോട് ആജ്ഞാപിച്ചിട്ടല്ലേ ഞാൻ അവരുടെ മുന്നിൽ നിന്നതെന്ന് പറഞ്ഞ അവളോട് കുടുംബത്തിലെ അംഗങ്ങൾ ഒറ്റക്കെട്ടായി പറഞ്ഞു: "നിൽക്കാനേ പറഞ്ഞുള്ളൂ.... മിണ്ടാൻ പറഞ്ഞില്ല. " അവൾ അന്ന് മനസ്സിൽ കുറിച്ചു. "കൂടുമ്പോൾ കൂടുമ്പോൾ ഇമ്പമുള്ള കുടുംബത്തിൽ തന്നെയാണ് ഞാൻ എത്തിയത്. അതെ എന്റെ നാവിന് കൂട്ട് ഞാൻ മാത്രം. " ✍️ഷൈനി 

"എടാ കൊച്ചേ ഇങ്ങ് വന്നേ... വിച്ചൂ... " " എന്താ അമ്മേ? " "ഞാൻ നിനക്ക് വേണ്ടി ഒരു സാധനം വാങ്ങിച്ചിട്ടുണ്ട്. " "ങ്ങേ... എന്താണത്?" " അത് പറയൂല. തുറന്നു നോക്കൂ നീ.. സർപ്രൈസ് ആണ്. " "എന്നാലും ഒന്നു പറയാമോ?" "പറഞ്ഞാൽ സർപ്രൈസ് ആകുമോ? നിനക്ക് വേണമെങ്കിൽ തുറന്നു നോക്കൂ... ഇല്ലെങ്കിൽ ഇങ്ങ് തന്നേക്കൂ." " യ്യോ വേണ്ടാ.. " " എന്നാ നിനക്ക് കൊള്ളാം. " "ങ്ങേ..! തോക്ക്.. എനിക്കെന്തിനാ ഇപ്പോ കളിക്കുന്ന തോക്ക്?" " നീ മര്യാദയ്ക്ക് കണ്ണ് തുറന്നു നോക്ക്." " അയ്യോ ഇത് കളിത്തോക്കല്ല. ഇതെന്തിനാ എനിക്ക്? അമ്മയ്ക്ക് എന്തുപറ്റി?!" " ഇതല്ലാതെ ഇനി വേറെ വഴിയില്ല മോനേ. പുറത്തേക്ക് പോകുമ്പോൾ സോപ്പും ഒരു ബക്കറ്റ് വെള്ളവും കൊണ്ടു പോകുന്നതിനേക്കാൾ നല്ലത് ഇതുതന്നെയാ. " " അതെന്തിനാ വെള്ളവും സോപ്പും?" " കടി കിട്ടിക്കഴിഞ്ഞാൽ അവിടെ സോപ്പും വെള്ളവും ഉപയോഗിച്ച് പതിനഞ്ച് മിനിറ്റ് കഴുകണ്ടേ? " "എന്താ...!!?" "ശ്ശോ.. മനസ്സിലായില്ലേ? പട്ടി കടിച...

" നമ്മുടെ വിഷമം ആരോട് പറയാൻ!  മനസ്സിലായിട്ടും മനസ്സിലായില്ല എന്ന് ഭാവിക്കുകയാണോ? " " നമുക്ക് വേണ്ടി ആരെങ്കിലുമൊക്കെ ഉണ്ടാകും." " അങ്ങനെ സമാധാനിക്കാനല്ലേ പറ്റൂ. ഇവിടെ നമുക്കും അവകാശങ്ങൾ ഇല്ലേ? " "ഇല്ലെന്ന് ആരു പറഞ്ഞു? അങ്ങനെ ചിന്തിക്കുന്നവരും ഉണ്ട്. പക്ഷേ എന്ത് പ്രയോജനം!" " അപ്പോ അവർക്ക് ഇതിനെതിരെയൊന്നും ശബ്ദം ഉയർത്താൻ കഴിയില്ലേ?" " ഒന്നോ അതിലധികമോ അല്ലല്ലോ മുഴുവൻ ആളുകൾക്കും തോന്നണ്ടേ? " " നമ്മൾ ഉപദ്രവിക്കുന്നില്ലല്ലോ. പിന്നെന്തിനാണ് നമ്മളെ ? " " നമുക്ക് ഇത് ആരോടെങ്കിലും ഇനിയെങ്കിലും തുറന്നു പറയണം. " " ആരോട്? ആര് കേൾക്കും? " " വഴിയുണ്ട്. ഉറപ്പില്ല.... എന്നാലും... ഒന്ന് ശ്രമിക്കാം. ഉച്ചയ്ക്ക് നമുക്ക് അവരുടെ അടുത്ത് പോകാം." " എവിടെ? " " ഞാൻ പോകുമ്പോൾ എന്റെ കൂടെ എല്ലാവരും വന്നാൽ മതി. " ഉച്ചയ്ക്ക് ഒരു പന്ത്രണ്ട് കഴിഞ്ഞു കാണും, പുറത്ത് നല്ല ശബ്ദം കേട്ട് ഞാൻ അവിടേക്ക് ചെന്നു. " എന്തായിത്? എല്ലാവരും കൂടി എന്ത് ബഹളമാ! ഒച്ചയെടുക്കണ്ടാട്ടോ... ഞാനിപ്പം വരാം. ...

 എന്നിലെ എന്നെ തേടി പലരും വരും. എന്നെ മാറോടണയ്ക്കും. ഞാൻ ഇല്ലാതായാൽ അവർക്ക് സഹിക്കാൻ കഴിയില്ല. ഞാൻ അവരുമായി കൂടുതൽ അടുത്താലും അവർക്ക് സഹിക്കാൻ കഴിയില്ല. പുകഴ്ത്തുന്നതിനൊപ്പം എന്നെ പുലഭ്യവും പറയും! ഞാൻ എല്ലാവർക്കും സ്വന്തം. ഏത് ഭാവത്തിലും എവിടെയും ഞാൻ വരും. രൗദ്രഭാവത്തിൽ വന്നയെന്നിൽ അലിഞ്ഞ് ചേർന്നില്ലാതായവരെ കണ്ടു ചിരിക്കുന്നവരെ.... നിങ്ങളും എനിക്ക് അന്യരല്ല. ഞാനെന്ന ഭാവത്താൽ നിൽക്കുന്നവരെ....  ഞാനിന്ന് നിന്നിലെ 'ഞാൻ ' ഞാനിങ്ങെടുത്താൽ ഞാനാണോ നീയാണോ ആ ചിരിയിൽ മുന്നിൽ!? ✍️ഷൈനി

"ചിത്രഗുപ്താ.... " " പ്രഭോ  പറഞ്ഞാലും. " " നോം ഒരു തീരുമാനത്തിലെത്തി. " " എന്ത് തീരുമാനം? എന്തിനുള്ളത്? അങ്ങ് പറഞ്ഞാലും." " ഭൂമിയിലെ കാര്യം വലിയ കഷ്ടമാണ്. മരണദേവനായ ഞാൻ ഇടപെട്ടേ പറ്റൂ. ഇനിയും ഈ ആത്മാക്കളുടെ ദുഃഖം കാണാൻ വയ്യ. " "അങ്ങ് എന്താണ് ചെയ്യാൻ പോകുന്നത്?" " ഇനിയങ്ങോട്ട് കൊലപാതകം ചെയ്യാൻ പോകുന്നവരുടേയും, അതിനു പ്രേരിപ്പിക്കുന്നവരുടേയും ആത്മാവിനെയാണ് ഞാൻ കൊണ്ടു വരുന്നത്, കൂടെ ആത്മഹത്യ ചെയ്യാൻ പ്രേരിപ്പിക്കുന്നവരുടെയും. അങ്ങനെ ആകുമ്പോൾ നിരപരാധികളായ ഒരുപാട് പേരുടെ മരണം ഒഴിവാക്കാം. പിന്നീട് അവരുടെ സമയം ആകുമ്പോൾ അവരെ ഞാൻ കൊണ്ടു വരും." " വേണം പ്രഭോ വേണം. " " ചിത്രഗുപ്താ... നിരപരാധികളുടെ ജീവൻ എടുത്തിട്ടും അവരുടെ ആത്മാവിനും ശാന്തി കൊടുക്കത്തില്ലയിവർ. കോടതിയിൽ ചെന്നാലോ ദൃക്സാക്ഷികൾ എല്ലാം കൂറുമാറും. പ്രതികൾ നിഷ്കളങ്കരായി മാറുകയും ചെയ്യും. മരണപ്പെട്ടിട്ടും മരണപ്പെട്ടിട്ടില്ലാന്ന് വരുത്തി തീർക്കാൻ കഴിയുന്ന നീതി പീഠങ്ങൾ.! എങ്ങും അശാന്തി. അവസാനം മരിച്ചവരെ ഞാൻ ഭൂമിയിലെ കോടതിയിലും ചാനൽ ചർ...

ഓണത്തിന് ഇനി അധികം ദിവസങ്ങൾ ഇല്ല. ന്റെ മനസിലെ ഒരു വിഷമം ഓണത്തിന് മുന്നേ പറയണമെന്ന് തോന്നി. അന്യ നാടുകളിൽ നമ്മൾ മലയാളികൾ എന്ന് പറഞ്ഞ് ആഘോഷിക്കുന്ന, മതം നോക്കാതെ ആഘോഷിക്കുന്ന, എന്നെ -  ഇങ്ങ് മലയാളക്കരയിൽ മതം നോക്കി ആഘോഷിക്കുന്നു.  എല്ലാവരും ഇല്ല...  എന്നാലും കുറച്ചു പേര് അങ്ങനെയാണ്. കള്ളമല്ല. അവരോട് പലരും ഇതിനെതിരെ സംസാരിക്കുന്നത് ഞാൻ നേരിട്ട് കണ്ടിട്ടുണ്ട്. എനിക്ക് വേണ്ടി വാദിക്കുന്നത് കണ്ട ഞാൻ അപ്പോഴെല്ലാം ഒരുപാട് വേദനിച്ചിട്ടുണ്ട്.  കേരളത്തിന്റെ ദേശീയ ഉത്സവത്തെ ഒരു മതത്തിന്റെ പേരിൽ മാറ്റുന്നവരെ നിങ്ങൾക്ക് അന്യനാടുകളിൽ എല്ലാ മതങ്ങളും വഴക്കിട്ട് പോയോ? കേരളത്തിൽ ഹിന്ദുക്കൾ അല്ലാത്തവർ ആഘോഷിക്കുമ്പോൾ എന്തിന് ആശ്ചര്യപ്പെടുന്നു? "അവരേ... ഹിന്ദുക്കൾ അല്ലെങ്കിലും ഹിന്ദുക്കളെപ്പോലെ സദ്യ ഒരുക്കി ആഘോഷിക്കുന്നു... " എന്തിനിങ്ങനെ പറയുന്നു?! എല്ലാവരെയും അടച്ചു പറയുന്നില്ല എന്നാലും ഉണ്ട് ചിലർ. സദ്യ ഹിന്ദുക്കളുടെ മാത്രം കുത്തകയല്ല. അങ്ങനെയാണെങ്കിൽ കേരളത്തിന്റെ ദേശീയോത്സവം എന്ന പേര് എനിക്ക് വേണ്ട.  ന്റെയുള്ളിൽ മതമില്ല. നിങ്ങൾ മലയാളികൾ മാത്രമാണ് ഉള്ളത്...

      പോയ അനാചാരങ്ങളെല്ലാം തിരികെ പരിപാവനമായ ആചാരങ്ങളായി കൊണ്ടു വരുന്നു. എന്താ എന്നെ മാത്രം വിളിക്കാത്തത്? എന്നെ ആർക്കും വേണ്ടേ? ഞാൻ നിങ്ങളെയെല്ലാം കണ്ടിട്ട് എത്ര നാളായി എന്ന് അറിയുമോ? എന്നെ പറഞ്ഞു വിട്ടയാളെ നിങ്ങൾക്ക് അറിയാം. ഒരു "റോയ് ". പെണ്ണിന് രണ്ട് കല്യാണം ഉണ്ടായിരുന്നു അന്നൊക്കെ. കാലങ്ങൾ മാറിയപ്പോൾ ഒന്നായി പലയിടത്തും ചുരുങ്ങി. വീണ്ടും പൂർവാധികം ശക്തിയോടെ എവിടെയും കാണുന്നു.! എനിക്ക് സഹിക്കാൻ പറ്റുന്നില്ല. ഞാനും മുൻപ് ഉണ്ടായിരുന്നു. എല്ലാവരും എന്നെ മറന്നു പോയി.  എനിക്ക് അങ്ങേരെ ഒന്ന് കാണണം... ആ രാജാറാം മോഹൻ റോയിയെ. പുള്ളിയുടെ കാലുപിടിച്ച് പറഞ്ഞതാ ഞാൻ, എന്നെ പറഞ്ഞു വിടല്ലേ എന്ന്. പക്ഷേ കേട്ടില്ല.  ഇപ്പോൾ എന്റെ പേര് പോലും ആരും ഓർക്കുന്നില്ല. അതെ ഞാൻ തന്നെ സതി.! ✍️ഷൈനി 

അന്ന്! "കേട്ടോ... ഇന്ത്യയിൽ നിന്നും പാകിസ്ഥാൻ വിട പറയുകയാണ്." "  എന്താ...? എന്താ പറഞ്ഞത്? " "സത്യം... അങ്ങനെ അതും സംഭവിക്കുന്നു." " യ്യോ..! മുറിച്ചു മാറ്റുന്നോ? ഓർക്കാനേ വയ്യ. ഒന്നായവരെ രണ്ടാക്കുന്നോ? " "ഉം.. അതേന്നേ... ഇവിടെ ഞെട്ടിക്കൊണ്ടിരുന്നോ." വർഷങ്ങൾ കഴിഞ്ഞ് ഇങ്ങനെയും! " അതേ.. പണ്ട് ഇന്ത്യയും പാക്കിസ്ഥാനും ഒന്നായിരുന്നു. " "ങ്ങേ...! എന്ത്? തമാശ പറയല്ലേ." " ഞാൻ എന്തിനാ തമാശ പറയുന്നത്. സത്യമാണ്. അങ്ങനെ ചരിത്രത്തിൽ പറയുന്നുണ്ട്." " ചുമ്മാതല്ല ഇന്ത്യയും പാക്കിസ്ഥാനും തമ്മിലുള്ള ക്രിക്കറ്റ് കളിക്ക് ഇത്ര പ്രാധാന്യം!" " നല്ല സ്നേഹത്തോടെ കഴിഞ്ഞവർ ആയിരുന്നു. അന്നേരം കച്ചവടത്തിന്റെ പേരും പറഞ്ഞു ലോകത്തെ മുഴുവൻ വായിനോക്കി നടന്ന ബ്രിട്ടീഷ് കൊള്ളക്കാരുടെ ആഗമനത്തോടെ മതമെന്ന ഭ്രാന്ത് ഇന്ത്യയെ കീറിമുറിക്കാൻ തീരുമാനിച്ചു. കീറിമുറിച്ച് അധികം ആകുന്നതിനു മുന്നേ  രാഷ്ട്രപിതാവിനെയും  ഒരു മതഭ്രാന്തൻ  ഇല്ലാതാക്കി. അതായിരുന്നു ഇന്ത്യ. അല്ല ഇനിയും ഇതാകണോ? " "യ്യോ..!...

     സാമ്പാറിലും രസത്തിലും മറ്റും ഒഴിച്ചു കൂടാൻ പറ്റാത്ത ഒന്നാണ് കായം. അമ്മയ്ക്ക് കായം കുറച്ചു മുന്നിട്ടു നിൽക്കണം. എനിക്ക് മുന്നോട്ടും പിന്നോട്ടുമില്ല. ഗുണങ്ങൾ ഏറെയുണ്ട്, എന്ന് വിചാരിച്ച് അമിതമായാലും കഴിക്കാൻ ബുദ്ധിമുട്ടാണ്. കട്ടിയായി ഇരിക്കുന്ന കായം ഇട്ടാൽ മിക്കപ്പോഴും മുഴുവനും അലിയാത്തതു കൊണ്ട് പൊടിക്കായമാണ് ഞാൻ വാങ്ങിക്കുന്നത്. കട്ടിക്കായം ഇട്ടാൽ മിക്കപ്പോഴും ഏതെങ്കിലും കഷ്ണത്തിന്റെ  കൂടെ കായത്തിന്റെ പകുതിയും  എന്റെ വായിൽ എത്തും. ഹൊ.! പിന്നെ പറയേണ്ടല്ലോ..? പല്ലിൽ പറ്റിയിരിക്കുന്ന കായത്തിന് പുറത്തേക്ക് പോകാനും ഭയങ്കര മടിയാണ്. അതെല്ലാം രുചിച്ചു തന്നെ ഇറക്കണം.  ഈയിടെ കായം കാരണം എന്റെ ക്ഷമ നശിച്ചു. എവിടെയെങ്കിലും പറ്റിപ്പിടിച്ചിരുന്നാൽ അവിടെ നിന്നും പോകാൻ കക്ഷിക്ക് ഭയങ്കര മടിയാണ്. ഇടയ്ക്കിടെ ചോദിക്കാതെ കൂടുതൽ വരും. ഗുണത്തിന് കുറച്ചു മതിയല്ലോ, എന്തിനാ ഇത്രയും!  പക്ഷേ പറഞ്ഞാൽ കേൾക്കില്ല. എന്നോട് അത്രയ്ക്ക് ഇഷ്ടമാണ്. എന്നോടുള്ള ഇഷ്ടം ഒരുപാട് ആകുമ്പോൾ എനിക്ക് പറ്റുന്ന പോലെ എടുത്തു കളയും.  പക്ഷേ എടുത്തു കളയാൻ ...

  ഇന്ന് ഓഗസ്റ്റ് 13 ലോക അവയവദാന ദിനം. വാങ്ങിക്കാൻ കഴിയുന്നതിനേക്കാൾ എല്ലാവർക്കും കൊടുക്കാനുള്ള മനസ്സ് ഉണ്ടാകട്ടെ. കൊടുക്കുന്തോറും കിട്ടുന്ന പുണ്യം. നിറയെ ധനമായി ഞാൻ ഈ ഭൂമിയിലേക്ക് എന്തിനോ എവിടെ നിന്നോ എപ്പോഴോ വന്നു. പോകുമ്പോൾ എന്റെ ധനങ്ങൾ എല്ലാം അതിന് അർഹതപ്പെട്ടവർക്ക് ഒരു കോട്ടവും കൂടാതെ കൊടുക്കാൻ എനിക്ക് ആയാൽ ആ പുണ്യം എന്റെ ആത്മാവിന് സ്വന്തം. മരണ ശേഷമുള്ള കർമ്മങ്ങൾ - "നാട്ടുകാരെയും വീട്ടുകാരെയും ബോധിപ്പിക്കാനുള്ള ആ കർമ്മത്തോട് പുച്ഛം മാത്രം. ജീവനുള്ളപ്പോൾ തരാത്ത സ്നേഹം മരണ ശേഷം വിതറിയാൽ അതിൽ ഒരു തരി പോലും ആത്മാവിന് വേണ്ട."  ആത്മാവ് ആക്രമിക്കുമെന്ന ആശങ്കയാൽ ചെയ്യുന്ന ആചാരങ്ങളെല്ലാം ആത്മാവിന് വേണ്ടി അല്ലല്ലോ! ജീവിച്ചിരിക്കുന്ന ബാക്കി ജീവനുകൾക്ക് അല്ലേ? ഏത് കർമ്മം ചെയ്താലും അവനവൻ ചെയ്യുന്ന കർമ്മത്തിന്റെ ഫലം അവരവർക്ക് സ്വന്തം.  എന്നാൽ ജീവനുള്ളപ്പോൾ ജീവനുതുല്യം സ്നേഹിച്ചാൽ, ആ ജീവൻ പോയാൽ ആ ആത്മാവിന് അർപ്പിക്കുന്നതെന്തും, ആ ആത്മാവിനോടുള്ള ആദരവ്. അത് തടയാൻ ആർക്കും അവകാശമില്ല. ✍️ഷൈനി 

അന്നൊക്കെ നന്നായിട്ട് കളിക്കുന്ന കുട്ടികളെ മാത്രമേ ആനുവൽ ഡേയ്ക്ക് തിരഞ്ഞെടുക്കുകയുള്ളൂ. ഇന്നാണെങ്കിൽ ഏതെങ്കിലും ഒരിനത്തിൽ എല്ലാ കുട്ടികളേയും പങ്കെടുപ്പിക്കാൻ അധ്യാപകർ നോക്കും. സെന്റ് തോമസ് ഗേൾസ് ഹൈസ്കൂളിൽ എല്ലാ ആനുവൽ ഡേയ്ക്കും ഡാൻസ് ടീച്ചർ എന്നെ പ്രോഗ്രാമിന് തിരഞ്ഞെടുക്കുമായിരുന്നു. അതുകൊണ്ടു തന്നെ അവിടെ ആ സ്കൂളിൽ എല്ലാവർക്കും എന്നെ അറിയാം .  ഒമ്പതാം ക്ലാസിലേക്ക് ആയപ്പോൾ ഇടപ്പള്ളി പയസ് ഗേൾസ് ഹൈസ്കൂളിൽ ചേർന്നു. ഒമ്പതാം ക്ലാസിൽ പഠിക്കുന്ന ഞാനും എന്റെ കൂട്ടുകാരും യൂത്ത് ഫെസ്റ്റിവലിന് ഒപ്പന കളിക്കാൻ തീരുമാനിച്ചു. പക്ഷേ ആദ്യം അധ്യാപകരുടെ മുന്നിൽ കളിച്ച്, അവർക്ക് തൃപ്തിയായാൽ മാത്രമേ സ്റ്റേജിൽ കളിക്കാൻ സമ്മതിക്കൂ. അതുമാത്രമല്ല, റെക്കോർഡ് ചെയ്ത പാട്ടിട്ട് കളിക്കരുതെന്നും നിബന്ധനയുണ്ട്. എന്തായാലും ഞങ്ങൾ തകർത്തു കളി തുടങ്ങി. എല്ലാവരും നന്നായി പ്രാക്ടീസ് ചെയ്തു. മത്സരത്തിൽ ഒപ്പനപ്പാട്ട് ഒരു കുട്ടി പാടണം. ആ കുട്ടിയിടുന്ന താളത്തിനും പാട്ടിനും അനുസരിച്ച് ബാക്കി കുട്ടികൾ കളിക്കണം.  ടീച്ചേഴ്സിന് മുന്നിൽ കളിക്കേണ്ട ദിവസം ഞങ്ങൾ ഒന്നൂടെ പ്രാക്ടീസ് ചെയ്തു. ആരും തെറ്റിക്കുന്നില്ല. സ...

സൗഹൃദത്തിൽ ആയിരുന്നു എന്നോട് അവർ രണ്ടുപേരും. സുഹൃത്തുക്കൾ ആണെങ്കിലും ഇടയ്ക്ക് ചില പിണക്കങ്ങൾ ഉണ്ടാകും. സ്വാഭാവികം. പക്ഷേ ഇപ്പോൾ പിണങ്ങി പോയിട്ട് കുറെ ദിവസമായി. മഴയാണ് ഇതിനെല്ലാത്തിനും കാരണം. അവർക്ക് ഇഷ്ടമില്ലാതിരുന്നിട്ടും ഞാൻ മഴയെ സ്നേഹിച്ചു. അതുകൊണ്ട് എന്താ...  ഇപ്പോൾ അവർ രണ്ടുപേരും പിണങ്ങി പോയി. വരും വരാതിരിക്കില്ല. ഒരിക്കലെങ്കിലും ഞാൻ നിങ്ങളോട് പിണങ്ങിയിട്ടുണ്ടോ? എന്താ നിങ്ങൾ മാത്രം ഇങ്ങനെ ഇടയ്ക്കിടയ്ക്ക് പിണങ്ങുന്നത്?  ഇത് ശരിയല്ലാട്ടോ. എന്നെയൊന്നു മനസ്സിലാക്കൂ... നിങ്ങൾ തിരികെ വന്നാലേ... എന്റെ കൂടെ കൂടിയിരിക്കുന്ന ബധിരയും മൂകയും എന്നിൽ നിന്ന് പോകുള്ളൂ. ഇനിയും വൈകിക്കേണ്ട. കണ്ടേ പറ്റൂ. പണ്ടെപ്പോഴോ കണ്ടതാ. ഇപ്പോൾ എങ്ങനെയാണോ എന്തോ? ഇ. എൻ. ടി ഡോക്ടർ ചെവിക്കകത്തും തൊണ്ടയ്ക്കകത്തും കുത്തുമോ? എന്ത് ചെയ്താലും വേണ്ടീല്ല. പോയവർ തിരികെ വന്നാൽ മതി. ✍️ഷൈനി 

                              1-8-2022  എറണാകുളം  പ്രിയപ്പെട്ട സാജുവിന്,         പ്രിയ സുഹൃത്തേ.... നിനക്ക് ഒരു കത്ത് അയക്കണമെന്ന് ഏറെ നാളായി ഞാൻ ആഗ്രഹിക്കുന്നു. നീ ഇപ്പോൾ എന്തെടുക്കുവാ? നിനക്ക് സുഖമാണോ? അന്ന് ഞാൻ നിനക്ക് വേണ്ടി പാടിയ പാട്ട് നീ കേട്ടിരുന്നോ?          നമ്മൾ ഒരുമിച്ച് ഡ്രോയിങ് ക്ലാസിൽ പഠിച്ച കാലം.... പലപ്പോഴും എന്റെ ഓർമ്മയിൽ വരും. എപ്പോഴും എല്ലാവരോടും വളരെ സ്നേഹത്തോടെ നിറഞ്ഞ പുഞ്ചിരിയുടെ സംസാരിക്കുന്ന നിന്റെ മുഖം കൺമുന്നിൽ എപ്പോഴും ഉണ്ട്.            ആ സമയത്ത് നീ ഇടയ്ക്ക് എപ്പോഴും പാട്ട് പാടും. കൂടുതലും ഹിന്ദി പാട്ടാണ് പാടുക. നിശബ്ദം ആയിരിക്കുന്ന ക്ലാസ്സിൽ... നമ്മൾ എല്ലാവരും വരയ്ക്കുന്ന സമയത്ത്... അതിമനോഹരമായി ഗാനങ്ങൾ പാടി നീ ഞങ്ങൾക്ക് ആനന്ദം തരും. പക്ഷേ അതിൽ എനിക്ക് ഒരു പരാതിയുണ്ട് നിന്നോട്. കേട്ടോ...?             ഹിന്ദി ആയിക്കോട്ടെ മലയാളം ആയിക്കോട്ടെ നല്ല പാ...

രാവിലെ എപ്പോഴും നല്ല തിരക്കാണ്. അപ്പത്തിന്റെ മാവ് ബാക്കി ഫ്രിഡ്ജിൽ ഉണ്ട്. രാവിലെ അതിന്റെ തണുപ്പ് മാറാൻ ഫ്രിഡ്ജിൽ നിന്ന് പുറത്തെടുത്തു വച്ചു. ചായയിട്ടു. അതിനിടയ്ക്ക് അരി അടുപ്പിൽ വെച്ചു. ഇടയ്ക്ക് ചില വാക്കുകൾ തലയിൽ നിന്നും പുറത്തേക്ക് ചാടാൻ വെമ്പൽ കൊണ്ടിരിക്കുന്നതിനാൽ ബുക്കിന്റെയും പേനയുടെയും അടുത്തേക്ക് ഓടി. ഇല്ലെങ്കിൽ തലയിൽ നിന്നും ചാടി അപ്പുറത്തെ അയ്യത്തേക്ക്  ( പറമ്പ് ) പോയാലോ? അതിനാൽ അവരെ ഭദ്രമായി ബുക്കിനുള്ളിൽ ആക്കിയിട്ട് വീണ്ടും അടുക്കളയിലേക്ക് ചെറിയൊരു ഓട്ടം. മാവിന്റെ തണുപ്പ് മാറി. എന്നാലിനി അപ്പം ഉണ്ടാക്കാം. രണ്ടപ്പം ഉണ്ടാക്കി. ഉപ്പ് കറക്റ്റ് ആണോ എന്നറിയാൻ കുറച്ച് എടുത്തു കഴിച്ചു നോക്കി. "അയ്യേ....  എന്തൊരു കൈപ്പ്.! ഇന്ന് ഈ മാവിന് എന്തു പറ്റി?! ഇന്നലെ അപ്പം ഉണ്ടാക്കിയതിന്റെ ബാക്കി അപ്പോൾ തന്നെ ഫ്രിഡ്ജിൽ വച്ചിരുന്നതാണല്ലോ. പിന്നെ എന്തുപറ്റി!? ഇനിയിപ്പോൾ ഈ മാവ് എന്ത് ചെയ്യും? മാവ് വെറുതെ കളയണ്ട. ചെറുതായിട്ടൊന്നു വേവിച്ചിട്ട് കാക്കയ്ക്ക് കൊടുക്കാം. അതിനിടയിൽ അവിടെ വന്ന അമ്മ എന്റെ പ്രകടനം കണ്ട് കുറച്ച് അപ്പം എടുത്ത് കഴിച്ചു നോക്കി. "വേണ്ടമ്മേ.....

ഇന്നലെയായിരുന്നു ചൊവ്വയിൽനിന്ന് ഞാനിങ്ങെത്തിയത്. അവിടെ എല്ലാവർക്കും സുഖം തന്നെ. എല്ലാവരോടും അവരുടെ അന്വേഷണം പറയാൻ പറഞ്ഞിട്ടുണ്ട്. പിന്നെ ഇവിടെ നിന്നും ആരൊക്കെയോ അങ്ങോട്ട് പുറപ്പെടാൻ കാത്തിരിക്കുന്ന വിവരം അവർക്ക് കിട്ടിയിട്ടുണ്ട്. അങ്ങോട്ട് ചെല്ലുന്നവരുടെ സ്വഭാവ സർട്ടിഫിക്കറ്റും ഫോട്ടോയും അയച്ചു കൊടുക്കാൻ പ്രത്യേകം പറഞ്ഞിട്ടുണ്ട്. അവരുടെ ആരുടെയെങ്കിലും മുഖഛായ ഇവിടെ നിന്ന് പോകുന്നവർക്ക് ഉണ്ടോ എന്ന് അറിയാനാ. കാരണം അവരുടെ മുഖച്ഛായയുള്ളവർക്ക് അവർ ഒരു പ്രത്യേക പരിഗണന കൊടുക്കുന്നുണ്ട്.  പിന്നെ കുറച്ച് നിബന്ധനകൾ ഒക്കെ വെച്ചിട്ടുണ്ട്. അങ്ങനെയുള്ളവർ മാത്രം അങ്ങോട്ട്‌ ചെന്നാൽ മതിയെന്ന്. അവിടെ മത നേതാക്കന്മാർക്കോ രാഷ്ട്രീയ നേതാക്കന്മാർക്കോ പ്രവേശനമില്ല. എന്നിട്ടും കേൾക്കാതെ അങ്ങോട്ട് ചെന്നാൽ മുട്ടുകാല് തല്ലിയൊടിക്കുമെന്നും പറഞ്ഞിട്ടുണ്ട്. പിന്നെ പ്രധാനമായും ഒരു കാര്യം കൂടി അവർ പറഞ്ഞു : " കലാപങ്ങൾ നിർത്തി നിങ്ങൾ ഐക്യത്തോടെ കഴിഞ്ഞില്ലാ..... ന്നുണ്ടെങ്കിൽ പിഴുതെടുക്കാൻ ഞങ്ങൾ വരും." മതി കേട്ടത്. ബാക്കി പിന്നെ പറഞ്ഞുതരാം. ഇത്രയും ദൂരം പോയി വന്നതിന്റെ നല്ല ക്ഷീണമു...

ചെറുതിലേ തന്നെ സ്വപ്നം എന്നെ വിടാതെ പിന്തുടരും. ഇരുന്നാലും കിടന്നാലും കൺമുന്നിൽ സ്വപ്നങ്ങൾ വരും. നേഴ്സറിയിലും ഒന്നാം ക്ലാസിലൊക്കെ പഠിച്ചു കൊണ്ടിരുന്ന സമയത്തൊക്കെ എനിക്ക് ഭയമായിരുന്നു സ്വപ്നം കാണാൻ.  ഉറങ്ങാത്ത ഞാൻ എന്റെ വീട്ടുകാരുടെ ചർച്ചയ്ക്ക് ഇടയിൽ പകൽ ഇരിക്കുമ്പോൾ അവരാരും കാണാത്തത് എന്റെ കണ്ണിലും, അവർ ആരും കേൾക്കാത്തത് എന്റെ കാതിലും അനുഭവപ്പെടും.  ഒരു വൃത്തത്തിന്റെ ഉള്ളിൽ അനേകം വൃത്തങ്ങൾ, അതെല്ലാം ഒരുമിച്ച് ചെറുതാവുകയും വലുതാവുകയും ചെയ്യുന്നു. അതിനൊപ്പം ആരുടെയോ ചിരിയും. ആ ചിരിക്ക് ഒരു പ്രത്യേകത ഉണ്ടായിരുന്നു. പതിഞ്ഞ ശബ്ദത്തിൽ ചിരി തുടങ്ങി പതുക്കെ ഉയർന്നുയർന്ന് ഉച്ചസ്ഥായിയിൽ എത്തും. അവിടെ ഇരിക്കുന്ന പലരോടും ഞാൻ അന്നേരം ഇത് പറയും. ആരും പക്ഷെ കേൾക്കില്ല. ആറോ ഏഴോ വയസ്സുള്ള കുട്ടിയുടെ വട്ടുപറച്ചിൽ ആയി അത് മാറി. പിന്നീട് വർഷങ്ങൾ കഴിഞ്ഞപ്പോൾ അതെങ്ങനെയൊക്കെയോ എന്നെ വിട്ടു പോയി.  മുതിർന്നു വരുന്നതിനനുസരിച്ച് ഞാൻ സ്വപ്നങ്ങൾ കൂടുതൽ കാണാൻ തുടങ്ങി. അതിൽ മിക്കതും ഭയം ഉളവാക്കുന്നതായിരുന്നു. ചില സ്വപ്നങ്ങൾ മനസ്സിൽ മായാതെ ഇരിക്കും. നല്ല സ്വപ്നങ്ങ...